ನೀ ಬಿಟ್ಟು ಹೋದ ಸಾಲುಗಳು
ರಚನೆ : ದಿವ್ಯಾ ದೇವೇಂದ್ರ
----------------------------------
ಪ್ರೀತಿ ಮಾಯೆಯ ಕಡಲು ಬಹುದೂರಕೆ ಸಾಗುತಿದೆ ನಲ್ಮೆಯ ದೋಣಿ, ಯಾರಿಗೂ ಕಾಣದ ತೀರ, ಆರ್ಭಟಿಸದೆ ಇರುವ ಮೌನದ ಅಲೆಗಳು , ನೋಡಿದರೂ ಕಾಣದ ಮನಸಿನ ನೋವಿನ ಆಳ, ಮತ್ತೆ ಕೂಗಿ ಕೂಗಿ ಕರೆಯುತ್ತಿದೆ ನಿನ್ನ ಹೆಸರನು.. ಕನಸಿನಲ್ಲಿಯೂ ಬಂದು ನನ್ನನ್ನು ಅಪಹರಿಸಿ ನಿನ್ನ ತೋಳುಗಳಲ್ಲಿ ತಬ್ಬಿ ಹಿಡಿಯುವೆ, ಬೆಳಕಿನ ಸ್ವರೂಪಿಯಾದ ಆ ನಿನ್ನ ಕಣ್ಣುಗಳು ನಲ್ಮನೆಯ ಕಿರು ನೋಟದ ಮುಗುಳುನಗೆ ಎದೆ ಬಡಿತದ ಕದವ ತೆಗೆದು ಬಾರಿಸುತ್ತಿದೆ ಜೋರಾಗಿ.. ಮಾತು ಮೌನವಾಗಿದೆ ಆವರಿಸಿದೆ ಮೋಡಗಳು ನಿನ್ನನ್ನೇ ದಿಟ್ಟಿಸಿ ನೋಡುವ ಆಸೆಯಾಗಿದೆ, ನಾ ಬರುವೆ ಹಿಂಬಾಲಿಸಿ, ನಾ ಬರುವೆ ಹಿಂಬಾಲಿಸಿ, ನೋಡಬಾರದೆ ನೀ ತಿರುಗಿ..
----------------------------------
ನೋಂದಣಿ ಐಡಿ : KPF-S1-5178