Submission 653

ರಚನೆ : ಸುಮಂತ್ ಕೊಹಿಮಾ

----------------------------------

ಕಂಪಿದ್ದ ಜಾಗ ಕೊಳೆ ಕೊಂಪೆ ಕಟ್ಟಿದರೆ! 100 ವರ್ಷಗಳ ಯಥಾವತ್ ಇಳಿಮುಖ, ಕುಗ್ಗಿ ಕ್ಷೀಣಿಸಿದ ಜಾಗ(ದ), ಕಂಪನು ಆಚರಿಸುವರೆ? ಬುಡ ಬತ್ತು ಬಿದ್ದ ಹೆಮ್ಮರ, ಅಮ್ಮ! ಎಡೆ,‌ನೀರ್ಗಾಯಿ, ಸರ್ಪಗಲ್ಲು, ಅರಿಶಿಣದಾರ, ಗದ್ದುಗೆ ಮುರಿದು ಬಿದ್ದ ಇಂದು, ಆ ಹೆಮ್ಮರವ! ಆಚರಿಸುವರೆ? ಗಡಿದಾಟಿ ಅಡಿಗಡಿಗೆ ಊರಾಚೆ ಕೆರೆ‌ ಕೋಡಿ ಅಂಚಿಗೆ, ಗೊಂಬೆ ಕುಂಕುಮ, ಅರಶಿಣ‌, ಅಪಶಕುನ ಆಪತ್ತು. ಅದೆ ಅಮ್ಮನ, ಗಡಿ ಮಾರಮ್ಮನ ಅನಾಥ ಗೊಂಬೆಯ ಆಚರಿಸುವರೆ? ಆಚರಣೆ,‌ಉಪಚಾರಿಕೆ, ಉಪ್ಪರಿಗೆ ಮೆಲೇರಿಕೆ. ಅವಹೇಳನ, ಕನವರಿಕೆ, ಮನದ ಮರುಗು ಭಾವನೆ ಹರಕು‌ ಹಾಸಿಗೆ, ಕಾಲು ಚಾಚಲೆ!?

----------------------------------